偷偷爱着你 很快乐
却不知道 你也静静地爱着别人
在这一刻 我终于听到了
心碎的声音
把爱藏在破碎的心窝
有些感觉不一定要说
我能享受独处
却不承认寂寞
静静留在昨天
一个人
走两个人的路
虽然觉得有D对唔住千叮万嘱要我早D训觉嘅邢均惟
翻到屋K之后,我匆匆换咗套衫,戴咗顶白色嘅画家帽遮住自己个残样
就跑咗落楼下嘅公园仔度
去到,发现Azo好似仲未到,就自己无无聊聊咁係公园小径上绕住圈行
一回头,就见倒Azo拿住两支鲜奶係前面嘅便利店行出离
我地坐低咗係一张石凳嗰度,沉默中
E+係夜晚八点钟左右.周围嘅住宅都着晒灯,唔知係边个方向飘离咗好香嘅炒菜味
我闻住哩阵香喷喷嘅味道,想象住家家户户围埋一台食饭嘅温馨情景
又望吓前面食完饭落离散步嘅细路仔同老豆
捻到我同Azo都係冇父母係身边嘅人,哩刻嘅佢,会唔会好似我咁,觉得有D感伤呢......
佢挨住石凳后面,深深咁透咗啖气
而我就嗒低头,捧住手上嘅热鲜奶
今日邢均惟都有冲过热嘅好立刻畀我饮
Azo同佢都係係我觉得冻嘅时候,能够畀我温暖嘅人
唔同嘅係,邢均惟畀我嘅係散发住热气,好浓郁嘅好立克
而Azo嘅係带住微温,淡而香嘅鲜牛奶
虽然两支都令我有幸福嘅感觉
但相比之下,好似手中嘅鲜牛奶先可以做倒我痛苦时候嘅麻醉剂
放係手中,惊佢变凉
放入口中,又怕幸福饮完之后会不再
-食咗饭未吖?
-嗯!岩先师兄带咗我去大西豪食咗嘢
-佢对妳好好窝.
-咁.....我係佢师妹离家嘛!
-仲想呃啊哥!!佢同我讲咗佢沟过妳喇!
-......佢做乜同你讲架!
-係咪我都唔知得先.妳捻住点吖?
-咩点吖?
-咁妳都要畀个答复人架?
-我...我对佢都冇嗰种feel.
-佢好仔离噶,今日见佢抱妳走嘅时候,就觉得佢真係好紧妳
-你洗唔洗係咁帮佢讲嘢吖
-咁我都想有个人照顾妳姐
-咁E+你照顾我唔得咩!!!
-唔同噶...
-吓?
我有D唔明白咁望住佢
-畀啊哥照顾,同畀自己中意嘅人照顾係唔同噶
但係,对于我离讲,佢地係同一个人
Azo又继续讲
-啊哥好想妳揾倒中意嘅人,因为我都係度努力梗
我发觉Azo今晚讲嘅嘢有D奇怪,我又试好唔明咁望住佢
-妹啊,我好似未试过认真咁同妳讲过我同余莹D嘢啊呵?
-Um...係吖.你E+讲畀我听吓.
Azo饮咗啖牛奶,望住挂住一轮月亮嘅天
-妳都知好细个,我啊爸啊妈就唔係度,嗰时啊莹住係我楼上,其他细路仔都唔肯同我玩嘅,得佢一直都冇嫌弃我係个孤儿,成日拿D嘢食同玩具畀我.所以,唔知係边个时候,哩种感激慢慢变成咗中意
-姐係话你细细个就中意人喇窝
-应该係初中嘅时候先知自己对佢係点咯.但係佢一直当我细佬咁
-吓?佢仲大过你架!?
-Um,大我一年.嗰个时候,佢咩都会同我讲,甚至包括佢同条仔D事,虽然听咗之后,自己会觉得心痛,不过我都係好昂居咁话邓佢开心.
-哩种感受我明白嘅,我都试过.
E+就係度试梗
-到咗专二,我同佢拖过一年,哩一年係我咁耐以离最开心嘅.不过......之后佢就中意咗一个出离蒲嘅男
-点解佢会简个出离玩嘅人架!!
-有时D感觉冇办法解释嘅...见倒佢为咗个男咩都抛开晒,我先知道自己应该放弃
-真係放得低?
-我以为係噶.分开咗三年之后,捻住自己已经睇淡咗.不过上个星期见翻佢嘅时候,先发觉原来唔係噶.我好似....仲中意佢咁
听倒哩句话,突然间觉得心里面一阵抽痛.
有首歌叫<乜嘢係恋爱>里面有句rap话:总觉得,世界上最远嘅距离唔係生同死,而係我係你面前,你又唔知道我爱你
哩种距离E+已经double咗,听完佢讲佢仲中意余莹之后,我先至霎时醒觉到
-前晚（姐係我畀人打嗰晚）佢係我面前喊,话佢条仔出面有好多女.揽住佢嘅时候我先知自己仲会为佢心痛,好想保护佢唔好畀嗰个衰人虾
原来...嗰晚我畀人刮到伤痕累累嘅时候,佢揽住另一个人安慰梗佢
余莹喊嘅时候有你保护,有你心痛.咁我呢?我畀人打到几乎行唔倒翻屋K嘅时候,有边个会咁为我?
又係嘅,佢先係你中意嘅人,而我,只係你嘅挂名啊妹......
-妹啊,你话我应唔应该同佢讲啊?
Azo,我好想同你讲,我冇咁伟大.
我唔可以好似你咁,听住自己最爱嘅人,讲佢同第二个点发展嘅时候,仲可以畀D咩建议,咩安慰...我做唔到!!
如果妳话想见我,就係为咗讲哩D嘢,要我帮你分享或者分担妳同佢之间嘅事嘅话
我捻我会令你失望
噔...噔噔噔....噔噔...
哩个时候,我嘅手机响咗,中断咗我嗰句呼之欲出嘅我唔想再听!!.
-喂?
（-喂?我係邢均惟吖?妳点吖训咗未吖?
-我E+係出面啊!
（-做咩咁夜仲出去啊?咁点得噶!快D翻去休息啦!）
-均惟师兄啊,你叫我捻嗰样嘢,我捻清楚喇.我应承你吖!
（-....吓...妳姐係话?）
-从听日开始,我就係你条女!
（-真係嘅!!!?）
-Um,我地听日一齐翻学啦!咁,唔讲住喇!听日见.
---------------------------
Azo呆咗咁望住我
-你咪好想我同佢一齐嘅~捻真D佢都几好吖.我捻同佢一齐我会好开心.
甚至连我都唔知自己点解要勉强咁笑住讲出哩D嘢
-妳真係中意佢咩?
-咪当畀个机会自己同人地咯!...我会努力揾自己嘅幸福,啊哥你都要吖!追翻人地啦.
哩句话嘅每个字,都好似带住刺一样,每讲一个出离就狠狠咁係心中刮一条鲜血淋漓嘅痕
Azo仲係有D难以置信咁望住我
我饮埋剩低嗰半支鲜奶,苦笑住话
-Hum~~~冬天好似离咗喇!支鲜奶一阵间就冻晒添.....
